“Unfortunately, our people have also lost the confidence and authority to speak in their mother tongue. I imagine that when we lose authority over our own mother tongue, we also lose authority over our identity, we lose belief in the legitimacy of our experiences and our thoughts. I also imagine that if we regain the authority of our own language, we will also regain the power and pride of our identity, our home, our culture, and our sense of country.”

Ini an mahinungdanon nga mga pulong nga ginbul-iwan ni UP Professor Emeritus Merlie Alunan dida han pormal nga gin-abrihan han UP Tacloban – Leyte Samar Heritage Center an “Waray Pag-ultan han Pinulungan: Mulay-mulay ha Binisaya, An Interactive Exhibit on the Waray Language,” kakulop, Oktubre 18, 2023.

Dida han welcome address ni Dean Patricia Arinto, iya gindayaw an nagin kabug-usan nga dagway han Waray Pag-ultan han Pinulungan exhibit pinaagi han paningkamot han LSHC nga pinangunguluhan han yana Director hini nga hi Prof. Antonino Salvador De Veyra. Kaupod ni Dean Arinto han panguna han ribbon-cutting ceremony hira Prof. Alunan ngan Tacloban City Information Officer Atty. Anacleto Rei “Jojo” A. Lacanilao III.

An kamahusay han pinulungan nga Winaray o Binisaya, sugad man an kamabaskog, kamarig-on, ngan kamainilobon hini ha kaluyo han pagdominar han pinulungan nga English ngan Filipino (tagalog) hin maiha na nga panahon an mensahe nga ginpapadangat han kabug-usan han bag-o nga interactive exhibit ha LSHC.

Sumala pa kan Alunan, “Waray is still with us despite 88 years of our own post-colonial national language policy. An aton Winaray ada la gihapon, danay naman aton minayuyo, danay naman aton talikdan. But this we must realize: Waray is a sturdy, venerable language, seasoned and enriched with experience, nimble enough to deal with change, powerful and adequate for our communicative needs for hundreds of years more to come.”

Mga siday nga sinurat nira Eduardo Makabenta, Voltaire Oyzon, ngan Vicente De Veyra an pira nga makikit-an nga naka-plastar ha mga display boards ha exhibit area diin nakabutang an QR Code para mabatian an husto nga pagyakan o pagkanta han mga ini. Makikit-an gihapon nga naka-display an pira nga mga kasayuran ngan angay pagtigamnan han pagsurat ngan pagyakan han Winaray o Binisaya.

“Nation is concrete- it is the road home; it is home itself where the beloved waits. It is food and drink, work and play, shelter, friend, and the core of Filipino identity – his unquestioning love and loyalty to family. Ini ngatanan aada ha aton minayuyo nga Winaray. Busa [Sanglit], adman naton an Winaray, kay amo kita hini,” pahinumdum ni Prof. Alunan ha pagtapos han iya pagyakan.

An Waray Pag-ultan han Pinulungan exhibit in gin-abrihan ha pagkig-usa han pag-obserbar han Museums and Galleries Month ngan ha pag-hinumdum han ika-baynte otso (28) nga anibersaryo han LSHC. Ini in madalagan kutob Enero 26, 2024, ngan abri tikang Lunes ngadto ha Biyernes, 10:00 AM – 4:00 PM.

| Via rpa cablao /CIO photos from c. merin /CIO

#IdentityAndCulture

#WarayNgaPinulungan