Gin-panginano ni Mayor Alfred Romualdez kaupod hi Presidential Spokesperson Harry Roque an nagpapadayon nga panbakuna ha Robinsons Place Marasbaras yana nga kulop, August 4, 2021.

Ine mahuman nga gin-dayaw ni Roque an mga initiatibo na gin bubuhat ni Mayor Romualdez agud mapapaspas ngan mas maging sistematiko an vaccination program dinhi ha syudad han Tacloban.

Mahinunumduman nga nanguna an Tacloban City dinhi ha Rehiyon 8 han mga pinakahataas nga numero han mga nahibakuna nga 1st dose (99.2 %) ngan 2nd dose (84.4%), sumala han vaccine statistics report nga gin pagawas han Department of Health 8 dida han July 30.

Ha nagpapadayon nga panturok hin bakuna han nabibilin nga priority population, sobra 38,000 nga Taclobanon na an naging fully vaccinated.

Masasabtan nga maabot 800 an ginkikita nga naturukan hin 1st dose ha mao nga vaccination area, samtang sobra 500 naman ha Robinsons North Abucay. Ine in pagubos han 3,500 nga nakarawat nga alokasyon tikang ha Department of Health.

Ha pagklaro, waray pa panibag-o nga schedule nga ginpagawas han City Health Office tungod nga nakadepende ine kun san-o maabot an kadugangan nga supply han bakuna para dinhi ha syudad.

C. Merin/CIO