Tacloban City (Aug. 26, 2021) – Para ha edukasyon han kabataan, kaupod an mga opisyales han Eagles Club, Tacloban Business Club Incorporated (TBCI) nga gin mamangulohan han ira Presidente, Mr. Raymund Romualdez, opisyal nga igin turnover yana nga adlaw an Day Care ha Brgy. 103-A Paglaum ha siyudad han Tacloban.

Kaupod ni Romualdez dida han ribbon cutting ngan turnover hira Brgy. Kapitan Edgardo D. Condesa ngan Atty. Agnes Pacheco han City Mayor’s Office komo representante ni Mayor Alfred S. Romualdez nga nakadto hin nahiuna nga aktibidad.

Siring ni Brgy. Kapitan Condesa, an Day Care Center in osa nga proyekto han TBCI, Eagles Club ngan han City Government of Tacloban- sanglit dako an iya pasalamat hini nga mga grupo hasta kan Mayor Romualdez nga hira in may-ada hini para han ira mga kabataan ha barangay.

Sumala naman kan City Social Welfare and Development Officer Chona Fe Aurelia- Bahin, sunod mismo nga semana mag titikang dayon an supplemental feeding han kabataan agud magin himsug ngan magin andam ha pag-aram dida han Day Care Center an mga kabataan.

MMPadernos