Tacloban City (8.04.21)– Tulong muna bago politilka. Ini an pahayag ni Presidential Spokesperson, Sec. Harry Roque nga nagin bisita yana nga adlaw han panhatag han mga titulo han tuna para han mga benepisaryo han pabahay ha Villa Diana ha Norte Tacloban.

Siring ni Roque, suok ha kasing- kasing ni Presidente Rodrigo Roa-Duterte an mga Taclobanon kay bisan ngani han Mayor pala hiya (Duterte) han Davao City hiya gud an una nga kumanhi ha Tacloban para magdara hin ayuda dida han maigo an Tacloban han bagyo Yolanda han Nobyembre 08, 2013.

Ipinaagi kan Sec. Roque, igin paabot ni Mayor Alfred S. Romualdez an iya dako nga pasalamat kan Presidente Duterte han padayon nga ayuda nga igin papaabot ha siyudad han Tacloban.

Umabot hin 254 an mga titulo han tuna nga ipinanhatag yana nga adlaw, kun diin otro nga ginpahinumdum ni Mayor Romualdez nga libre han City government an pag notaryo han ira mga dokumento- ngan gintratrabaho liwat yana han siyudad nga malibre na an iba nga ira kaburuhisan han pagproseso han ira mga dokumento han tuna ha mga national agencies nga aagian hini.

Upod nga nagtambong hini nga aktibidad hira City Councilor Aimee Delgado-Grafil, Chairman Committee on Urban Poor and Housing Development, ngan Engr. Constancio G. Antiniero, Regional Manager han National Housing Authority.

M. Padernos/CIO