Ginbulkas na ni Presidente Ferdinand “Bongbong” Marcos Jr. epektibo yana nga adlaw, Oktubre 4, 2023, an pag-implementar han ‘price cap’ para han bugas ha bug-os nga nasud Pilipnas.

Kun manunumduman, mahagos usa ka bulan han ginpirmahan ni Presidente an Executive Order No. 39 nga nagmamando han paglimitar han presyo han kada kilo han regular ngan well-milled nga bugas ha P41-P45.

Siring han Presidente, an pagimplementar han price ceiling in temporaryo la nga pitad han gobyerno para mapugngan an sagunson nga paghinataas han presyo han bugas ha merkado.

Ha rekomendasyon han Department of Agriculture ngan Department of Trade and Industry kan PBBM, ginlatag hini an mga indikasyon nga puydi na tanggalon an price ceiling: an pag-ubos han presyo han bugas ha mga paralitan; paghitaas han supply han ani han mga mag-uruma ngan an paghamubo han export prices han bugas.

“Tinatanggal na natin ‘yung mga control. Pero hindi ibig sabihin basta’t ganun na lang dahil kailangan pa rin natin ayusin ang agricultural sector, kailangan pa rin natin tulungan and mga pinakamahirap, pinakagutom na para kahit papaano makaahon sila,” pagpaangbit ni PBBM.

#CIOUpdates#ricepriceceiling#TaclobanCity

Source: Presidential Communications Office