Proseso han mga titulo han tuna, pabahay nagpapadayon
Proseso han mga titulo han tuna, pabahay nagpapadayon
September 8, 2021 No Comments on Proseso han mga titulo han tuna, pabahay nagpapadayonTacloban City (Sept. 8, 2021) – Sugad han patapod ni Mayor Alfred S. Romualdez nga bubuligan an mga taga pabahay ha Norte Tacloba nga maibalhin haira mga ngaran an titulo han balay ngan tuna nagpapadayon ini yana.
Han yana nga adlaw, temprano pa nagtikang an pag atender han mga taga pabahay nga nagsusumiter han ira mga dokumento.
An USAID building Training Center ha K1nhuraw Hill an lugar nga gingamit para pagtagdon an mga taga pabahay agud mas dako an lugar.
Gintatag-osa osa han mga City Housing panginano an iginsusumiter nga mga dokumento agud masiguro nga diri magbabalikbalik an mga tawo.
Libre gihapon ha City government an pagnotaryo han mga dokumento han ngatanan nga mga benepisaryo han pabahay, siring ni Mayor Romualdez.
Aada ha sobra 16,000 nga mga pabahay iton nakapahamtang ha Norte Tacloban.
M. Padernos/CIO
Leave a comment