An Public Employment Service Office (PESO) ha Tacloban City dire makarawat hin walk-in nga mga aplikante para han Special Program for the Employment of Students (SPES) yana nga tuig.

Ine tungod nga adton mga aplikante han student assistance program in kinahanglan nga magparehistro online para mahiapil hadton mga pagpipilian para han counterpart program han City Government ngan Department of Labor and Employment (DOLE), sumala han opisina.

Subay han PESO ha ira abiso ha ira official Facebook page, nga mahihimo nga abilable an online registration yana nga tiarabot nga Lunes, Marso 13, 2023, 8:00 hiton aga ngan mahagos alas 5 hiton kulop.

Mayda 197 nga available slots an SPES ha Tacloban City yana nga tuig.

Aadi an mga kwalipikasyon hadton mga ma-apply:

-Student (Graduating college students are no longer qualified)

-15-30 years old

-Combined net income after tax of parents should not exceed the regional poverty threshold of Php. 161, 088.00

-With good grades/passing general weighted average (GWA)

-Non 4ps beneficiary

-Residents of Tacloban City

An SPES gindudumara kada summertime o bakasyones han mga estudyante, para matagan hin extra income an mga nanginginahanglan nga eskwela. Ha sulod hin 20 diyas maeempleyo ha mga opisina han City Government an mga benepisyaryo han mao programa ngan pagswesweldohan hira hin mas hitaas pa ha minimum wage.

Gin-aamotan han DOLE ngan City Government an sweldo han SPES – 60% han local government ngan 40 porsyento liwat magtitikang ha labor department.

#CIOUpdates

#SPES

(via H.J. Roca/CIO)