People’s Day ha MASA Center nagpapadayon, 133 beneficiaries nabuligan yana nga adlaw.
People’s Day ha MASA Center nagpapadayon, 133 beneficiaries nabuligan yana nga adlaw.
August 4, 2021 No Comments on People’s Day ha MASA Center nagpapadayon, 133 beneficiaries nabuligan yana nga adlaw.Waray hunong an pagbulig han MASA Center kaupod an CSWDO para han nanginginahanglan hin bulig pinansyal labi na an para problema medikal ngan pagpalubong. Ha ika-unom nga payout, 634 na ka indibidwal an nakatagamtam hin bulig ha pagbalik hinin nga proyekto ni Mayor Alfred Romualdez.
Kaupod han pagpaabot hin serbisyo ha mga katawhan an durudilain nga opisina han siyudad parehas han PESO nga naasister pamiling hin pakabuhi ngan an CLEP nga mayda libre nga paarot. Nanlilista gihapon an CLEP han mga maruruyagon pag-enrol ha Livelihood Courses lakip an Food Processing & Cooking, Reflexology, Dressmaking, Silk Screen & Printing, Food Beverage, Hair Cutting ngan Cosmetology.
Para han mga nanginginahanglan, daop la ha MASA Center, 2nd Floor, Tacloban City Supermarket kada 8-5 PM, Lunes ngada Biyernes.
R. Ortega/CIO
Leave a comment