PAGPAURA HAN MGA KATIGURANGAN
PAGPAURA HAN MGA KATIGURANGAN
August 4, 2021 No Comments on PAGPAURA HAN MGA KATIGURANGANPadayon an pangarawat han mga Senior Citizens ha syudad han Tacloban han ira Social Pension nga nabalor P6,000.00 dida han ikaduha ka adlaw han payout activity nga pinangungunahan han DSWD ngan CSWDO.
Maabot 1,570 nga mga benepisyaryo an ginlalauman nga makakarawat han nasabi nga ayuda yana nga adlaw, Agosto 4, 2021.
416 hini amo in nagtitikang ha Area 3 ngan Area 7 (Burayan Gym), 694 amo in nagtitikang ha Area 4 (CEO Gym), ngan 460 naman an mga nagtitikang ha Area 9 (St. Francis Gym.)
Ha butnga han panlimbasog han Syudad nga Pangobyernohan han Tacloban ngan DSWD-FO8 nga mahipadangat an Social Pension han mga katigurangan, padayon gihapon an pahinumdom ha mga hindadabihan nga pagsundon an minimum health standard ha mga payout centers.
Samtang, ginpapahinumdom naman an mga Senior Citizens nga pumakadto han venue ha tama nga schedule agud nga mamentenar an physical distancing.
RPA-Cablao/CIO
Leave a comment