“Romualdez la gihap, Save Tacloban #TeamRomualdez, ngan We Support Alfred Romualdez and Raymund Romualdez”. Ini an pira han mga mababasa ha mga plakards nga bitbit han mga tag suporta han Team Romualdez nga kumadto ha bongsaran han City Comelec Office komo pag pahayag han ira suporta kanda Mayor Alfred S. Romualdez, Raymund Romualdez, ug han bug-os nga Team nga namag salawad han ira Certificate Of Candidacy kakulop nga adlaw, Oktubre 7, 2021.

Pareho naka sul-ot hin pula nga polo shirt, hira Mayor Alfred ngan Raymund Romualdez dungan nga nag salawad han ira COC ngan magkasunod nga umatubang ha mga pamakiana han Media.

Siring ni Mayor Alfred, ha otro nga higayon, nag-a apply hiya ha mga Taclobanon komo alkalde han siyudad nga maipadayon an iya natikangan nga mga development projects labi na an para ha Norte Tacloban kun diin didto niya talwas nga gin tagan hin urokyan nga hirayo na ha kadilikadohan hin daralwa han dagat pareho han nahitabo hadton ST Yolanda han 2013.

Sumala pa kan Mayor Romualdez, maaram man an mga Taclobanon nga waray niya baya-i ug pabay-i an Tacloban bisan hadto nga kalamidad han Yolanda hasta ngada yana nga nahibalik na otro an kama ribhong han Tacloban.

Ngani han naglabay nga duha na ka tuig han covid-19 Pandemic, diin hul-os nga naapektuhan an ekonmiya han siyudad, may-ada naliwat dako nga buruhaton an City government para han mga Taclobanon nga apektado an mga pakabuhi dara han pandemya, nga mas magigin madali kun kasugbong niya an iya anak, Raymund, komo Vice mayor upod an iya bug-os nga linyada nga mga konsehal han siyudad.

Todo suporta liwat hi former City Mayor Cristina Gonzalez Romualdez nga bumunyog han magtala amay nga Romualdez han ira pagsalawad han COC kanina.

Ha ilarom han #TeamRomualdez, upod nga nag file an mga incumbent City Councilors Aimee D. Grafil, Brian Granados, Leo Bahin, ngan Dr. Elvira Galapon Casal, ngan Tata Granados, nga nag Konsehal na han siyudad hin tulo ka termino han mga naglabay nga tuig.

Samtang, an iba nga bag-o ngan karuyag sumungroy ha politika, amo hira Edson Malaque, Brgy. (95-A) Chairman Abet Eviota, Mannix Marta, Christopher Esperas, ngan media personality Marvin Modelo, ngatanan ha linyada han Team Romualdez.

Ha kasumpay nga sumat, usa pa nga media personality Larry Portillo han Kaugop Radio an nagsalawad pagka konsehal komo independent candidate- kundi sumala haiya aadto hiya masuporta han mga Romualdez. Hi Portillo in osa liwat nga mabakod nga Brgy. Councilor ha osa han mga Brgy. ha Tacloban.

M. Padernos/CIO