Tacloban City (Aug. 20, 2021) — “Please do not expect for any extension, because there will be no extension”.

Ini an pahayag ni Atty. Ma. Goretti Caseñas- Cañas, City Election Officer han Tacloban City- Setyembre 30, 2021 an deadline hiton voters registration ha Tacloban.

Yana padayon pa an registration, kundi pagtamak han Agusto 23, 2021 (Lunes) ipapatuman an ira bag-o nga schedule;

Lunes- Biyernes- 8:00 a.m.- 7:00 p.m.

Sabado – 8:00 a.m.- 5:00 p.m.

Holidays- abre hira

Domingo- sirado hira

Sumala pa kan City Election Officer Cañas, bisan ha butnga han pandemya damo an nakada haira buhatan para magparehestro rason nga naabot na nira an target nga new registrants- nga umabot na hin 7,400 as of August 19 ha tag 110 ka tawo nga na pro-proseso kada adlaw.

Batasan han tawo nga kun san-o pa an deadline, aada liwat pagkakalilisang papan rehestro- kundi panawagan ni City Election Officer Cañas, diri na mag-paabot han deadline ngan buhaton na ini san-o magtapos an talaan.

Para han mga magpapa rehestro nga waray gud valid ID, an live birth certificate nga igin isyu han Philippine Statistics Authority (PSA) pwede na. An photocopy la an igsusumiter- kundi kinahanglan la ipakita an orihinal kay pagtatandingon ini ngan han photocopy.

Samtang, an national comelec ngan han IATF, sige pa an mereting yana kun ano nga mga sestema iton ipapatuman panahon hiton filing han mga Certificate of Candidacy (COC), kampanya ngan hiton mismo nga adlaw han piniliay 2022, dugang nga pahayag han City Election Officer.

M. Padernos/CIO