Kita ha mga pamahongpahong han kabataan nga hira in libre na nga nakakagawas haira mga panimalay kahuman igpasamwak han Malacañan ipinaagi kan Sec. Harry Roque nga pwede na gumawas ha mga balay an mga bata na edad 5 anyos tipa igbaw.

Kundi mas nalipay an kabataan nga hira nga naedad hin 5 anyos tipa igbaw in pwede na gihapon magpa rehestro han kanan gobyerno National ID System ha nagpapadayon nga registration yana.

Kahuman hin pira ka semana nga nawara anay ha Tacloban City Convention Center an ID registration han Philippine Statistics Authority (PSA), yana igin balik na ini. Sanglit upod an mga kag-anak, ginbunyogan nira an ira kabataan para magparehestro na han national ID.

Siring han mga nagdudumara han pan rehestro, kun pawaray-waray gud han iba nga mga requirements, an ultimo nga pwded gamiton amo an Certification tikang ha Barangay- nga nagpapamatuod nga an bata o hin-o man in taga dida gud han iya igin deklarar nga barangay. Ginkakarawat gihapon ha pagparehestro an mga walk-in, o an napakadto nala nga diri na kinahanglan magpa eskedyul pa.

M. Padernos/CIO