Tacloban City (5.24.21)– PARUMBA 2021. Ini iton osa han mga magigin aktibidad han siyudad ha masunod nga bulan, Hunyo, komo bulan han pag salin-urog han Tacloban City Fiesta.

Sumala kan City Sports Director Joel R. Bugho, osa ini hiton ira nakahilira nga mga sports activities ha bulan han Hunyo nga pananagbalayan han City government of Tacloban ipinaagi han City Sports Office.

Ha yana pala, sumala kan Bugho, gin-abisohan na an mga Pedicab drivers ha siyudad para han tiarabot nga paisan-isan agud makag-andam haira panlwas ug an gagamiton nga Pedicab.

Hira in otro nga pasasabuton ha takna han pagrehestro para na han kumpetisyon.

Hunyo 26, 2021, Sabado iton talaan hini nga Pedicab Race nga gintawag PARUMBA 2021 nga pagbubuhaton a Magsaysay Boulevard, nga sumala pa kan City Sports Director Bugho, may-ada gihapon makakarawat nga mga premyo an magdadaug hini.

Kun mahinunumduman, tinikangan pa han kan anay Mayor Bejo Romualdez administrasyon nagtikang an pagkakaada hin Pedicab Race kada patron han Tacloban nga iginpapadayon pa tubtub yana.

Pagklaro ni pa ni Bugho, yana nga panahon han pandemya, an anuman nga ira sports activities in pirme una ha konsiderasyon han pagpatuman han mga health protocols.

M. Padernos/CIO