Tacloban City, Philippines (5.06.21) — Kahuman han mahugot nga pag review han Committee on Laws, Rules and Privileges ngan Committee on Barangay Affairs nga ginmamanguluhan han Committee Chairman Atty. Evangeline L. Esperas, an Barangay Ordinance No. 01 Series of 2018, “An Ordinance Increasing the Amount of Issuance of Summons to the Residents of Barangay 85 from Sixty Five (P65.00) Pesos to Two Hundred P200.00) Pesos”, iginpresentar na ini ha konseho para hin approval panahon han ira ika-70 nga regular session han yana nga semana.

An Sanggunian in nagsagdun han Barangay nga diri magkolekta hin summons fee tikang han mga nareklamo nga mga indigent. Kinahanglan ini libre para ha ira.

An summon fee nga makokolekta han barangay in ighahatag nga financial assistance ngadto han Lupon, kay an mga miyembro hini, waray nakakarawat nga honoraria tikang han barangay.

Ha motion ni konsehal Esperas ngan seconded by all, na aprobaran ini nga ordinansa.

Ipinaagi hini nga pagkaada na hin bayad ha pagreklamo para hin pagpa-summon o patawag, masisiguro na nga mga tinuod gud la nga reklamo an madangat ha barangay ngan diri bisan nala ano nga danay pandaut nala han mga amyaw.

M. Padernos/CIO