Tacloban City (7.28.21) — Maglipayon nga nanguli ngadto han ira mga pamilya an 397 nga nagtatag-iya hin mga pabahay ha St. Francis Village 1 ha Norte Tacloban kahuman makarawat an ira titulo han tuna nga ipinanhatag haira, kulop han July 28, 2021 didto mismo ha St. Francis Village Gym.

Mismo hi Mayor Alfred S. Romualdez an nanguna han panhatag han mga titulo upod han mga taga NHA regional office 8 nga gin mangulohan ni NHA Regional Manager, Engr. Constancio G. Antiniero, ngan City Councilor Aimee D. Grafil, Chairman, Committee on Housing and Urban Development.

Sumala kan Mayor Romualdez, yana sige an iya meeting upod an mga taga Registry of Deeds (ROD), Bureau of Internal Revenue (BIR) ug iba pa nga mga national government agencies nga aagian han dugang nga pagproseso han ira mga titulo han tuna.

Panuyo hini sumala han alkalde, nga mapahibub-an ha maarakos nga kantidad an mga baraydan ha pag proseso, ngan lakip gihapon an paghimo hin resolution nga makakabulig komo legal nga basehan para mahimo ini agud diri na kurian an mga pabahay beneficiaries labi na yana ha panahon han pandemic nga makuri an panginabuhi.

M. Padernos/CIO