Mahugot nga pagpatuman han mga protocols ngan an panginano ha mga checkpoints
Mahugot nga pagpatuman han mga protocols ngan an panginano ha mga checkpoints
June 10, 2021 No Comments on Mahugot nga pagpatuman han mga protocols ngan an panginano ha mga checkpointsTungod ha padayon nga paghinataas han kaso han COVID19 dinhi ha siyudad han Tacloban, mahugot nga pagpatuman han mga protocols ngan an panginano ha mga checkpoints, in upod ha gintatagan hin bugat han lokal nga pamunuan.
Ha pagbabantay han buhatan han TOMECO, CDRRMO ngan TCPO ha San Juanico Bridge, usa ha mga border checkpoints, nahisakpan an 17 katawo na tikang ha Manila nga waray mag-agi ha sakto nga proseso, dida han Miyerkules, Hunyo 9, 2021.
Ini na mga indibiduwal nga waray magpatuman han protocols in dayon liwat ginpa diretso ha quarantine facility ngan an iba in gin pa home quarantine nala ha ira mga panimalay kahuman liwat magpakita hin mga dokumento.
Manunumduman na may ada gihap lima nga mga pahinante nga tikang ha Nueva Ecija nga sumakob dinhi ha Tacloban nga waray gihap umagi hin kaangayan nga proseso.
Ha pagkayana, nagdesisyon an Regional IATF nga igpa-ilarom ha General Community Quarantine an bug-os nga Eastern Visayas ngan granular lockdowns an pira nga LGUs ha rehiyon. Igpapagawas sunod an resolusyon parti hini.
Leave a comment