Tacloban City (8.03.21)— Ha mando ni Mayor Alfred S. Romualdez iginbalik na an online registration para han mga karuyag magpakabuna kontra covid 19 ipinaagi hini nga site https://safecity.tacloban.gov.ph/. An buot sidngon hini, kinahanglan may- ada android cellphone o computer ngan internet connection agud nga mabuhat ini.

Pero diri angay mabaraka an mga waray hini nga mga pasilidad, kay ha pagtikang pala han covid-19 an kada barangay minanduan na nga buligan an mga molupyo haira barangay nga makaparehestro gamit an kanan barangay internet ngan computer facilities, siring ni Mr. Randy Calahi, mangulo han Management Information System (MIS) Office han City government of Tacloban.

NO WALK-IN policy yana- buot sidngon, diri pwede pumakadto ha MIS o City Health Office para magparehestro- kundi ha online gud la agud makalikay han pagdaramo han mga tawo -ngan malikayan an pagsarang han sakit.

Dugang ni Calahi, an ungod gudla nga mga impormasyon an igsusumat dida han online registration, pati an gingagamit nga cellphone number ngan e-mail address para makakarawat han message/reply tikang ha sestema han MIS.

M. Padernos/CIO