Jeepney drivers, nasampolan han TOMECO
Jeepney drivers, nasampolan han TOMECO
January 17, 2022 No Comments on Jeepney drivers, nasampolan han TOMECOPira nga mga jeepney drivers an nasirutan han TOMECO kahuman mahisakpan nga nagooverload han ira ginpapasada nga sarakyan. Dida han operasyon nga ginbuhat han ika-16 han Enero, natiketan an nasabi nga mga drivers nga nagtalapas han balaod ngan ginpahinumdum gihapon an mga manarakay nga sumunod han minimum health protocol sugad han tama nga pagsul-ot hin facemask. An buhatan han TOMECO nagpapasabot nga kinahanglan gihapon an kooperasyon han publiko. An iba man gud nga commuters in napirit pagsakay bisan kun klarado naman nga puno na an pampasahero nga sarakyan.
Sumala han buhatan, padayon inin nga ira operasyon kontra overloading para malikayan diri la an disgrasya kundi pati na gihapon an pagpugong ha pagsarang han sakit nga COVID-19. An siyudad amo in nagtala hin 92 nga bag-o nga kaso ngan maabot na 647 nga aktibo nga mga kaso.
D. Ortega/CIO
Leave a comment