Sagipo ngan okupado an Tacloban Astrodome yana nga adlaw mahitungod nga labot la han libre nga panbakuna han mga ayam nga gindudumara han mga taga Tacloban City Veterinary Office, padayon an pan rehistro han pira nga mga Taclobanon ha City Comelec dida han nahibibilin nga duha ka adlaw san-o an deadline hini, ha katuyuanan nga makabotos han tiarabot nga eleksyon.

Damo hin duro an interesado makahabol han September 30, 2021 nga deadline kun diin makikit-an an kahalaba han pila hini. Han ginbuhat nga pagbisita han nasabi nga panrehistro, nasabtan nga kadam-an nga napila amo an mga batan-on, kun diin usa la an ira nahihahatag nga rason han kaiha san-o hira gumios pagparehistro – an paglinangay-langay.

Samtang, makikit-an naman han nasabi nga lugar an presensya han kapulisan han Tacloban agud nga masiguro nga namimintinar an “minimal health protocol.” Ini nga pagdamu han mga interesado nga makalanat pagparehistro san-o an deadline, labi na han sektor han mga batan-on, nagpapakita la nga nakakasabot hira han importansya han ira partisipasyon han tiarabot nga eleksyon.

L. Jopson/CIO