Clustered Vaccination gindumara ha Norte Tacloban
Clustered Vaccination gindumara ha Norte Tacloban
November 12, 2021 No Comments on Clustered Vaccination gindumara ha Norte TaclobanNagtitikaupay iton pagkarawat han mga tawo hiton covid-19 vaccination ha siyudad han Tacloban.
Ini an nakita ha binuhat nga clustered barangays vaccination binuhat ha Habitat Plaza (Nov.11) ha Brgy. 106 Sto. Niño ha Norte Tacloban.
Sinovac vaccine an bakuna nga nakuha han mga tawo, diin may first dose pala, samtang an iba in 2nd dose na.
Mga taga Brgy. 105-Suhi, 97-Cabalawan, 98- Camansihay, 108- Tagpuro, 106- Sto. Niño, 99-Diit, ngan 101- New Kawayan an mga nagpahimulos han libre nga bakuna.
Naedad hin 18 anyos tipa igbaw an mga ginbakunahan nga gin dumara han pag binuligay han City Health Office, Eastern Visayas Medical Center, ngan han mga Barangay Health Workers han Host barangay- an Brgy. 106.
Sumala han mga BHWs, nga nabulig pag atiman han mga tawo, walk-in o libre la nga kumadto an hin-o man nga naruruyag magpabakuna, waray la limit kun pira ka tawo, ngan san-o bakunahan, gin tsetsek-up anay an panlawas han tawo san-o turokan han bakuna.
M. Padernos/CIO
Leave a comment