Champion hi Marlon Malate han 30 nga mga pedicab drivers nga bumulig han Mayor Alfred S. Romualdez- PARUMBA Pedicab Race 2021 binuhat alas 6:00 han aga yana nga adlaw, Oktubre 30, 2021 ha City Hall grounds han Tacloban.

An Parumba nga gin atiman han mga taga City Sports Office ha pangulo ni City Sports Director Joel R. Bugho,TOMECO, ngan TACRU gintikangan anay hin dalagan nga usa ka libot ha City Hall circumferential road, ngan sakay han ira pedicab umarangkada na tikang ha may flagpole han City Hall- lusad ha Magsaysay Boulevard – libot ha bug-os nga kahilab-an han Magsaysay Blvd. ngan balik saka ha City Hall grounds- otro libot ha bug-os nga ruta para hin kabug-osan nga 6 kilometros nga parumba.

An mga nakasulod ha Top 10 ngan may kalakip nga premyo amo hira;

1. Marlon Malate (Champion) – P4,000.00 2. Lulito Loberiano 2nd – P3,000.00 3. Noli Deban 3rd – P2,000.00 4. Junvy Campo 4th – P1,000.00 5. Jake Roel 5th – P800.00 6. Armando Oronos 6th – P500.00 7. Marlon Oronos 7th – P500.00 8. John Noriel Loberiano 8th – P500.00 9. Edwin Lopez 9th – P500.00 10. Raymund De la Cruz 10th – P500.00

Ha ngaran ni Mayor Alfred S. Romualdez, hi Hiraya Foundation President Raymund Romualdez an nag proklamar han mga namagdaug.

Ini nga aktibidad in kaparte han nagpapadyon nga mga Sports activity program han City Government.

M. Padernos/CIO