Nahiaktohan han News Team an mga Scholars han TESDA ha ilarom han PITAHAYA FARM nga naninirok hin mga laya nga uhot (Rice Straw) ha sulod han kanan City Government of Tacloban 13.8 hectares nga EcoFarm ha Brgy. 106 Sto. Niño.

Kita ha mga mata hin osa han mga scholars nga magaan haiya dughan an ira ginbubuhat komo osa nga estudyante ha pag-uma.

Bunyog han 20 nga mga scholars hi Mr. Boyen Castillejos, Trainer on Produced Organic Fertilizer, nga nagsumat an mga ginkokolekat nga mga uhot in pag gigilingon ngan gagamiton ha Verme Composting nga hihimoon liwat nga fertilizer o abono.

Sumala pa kan Castillejos, an PITAHAYA FARM, in osa nga accredited Farm Training School han TESDA kun diin an 20 nga mga scholars ha Norte Tacloban.

Nagtikang an ira Training dida pa han Septyembre 09, 2021 ngan matatapos dida hiton Oktubre 20, 2021 o ha kabug-osan nga 29 diyas diin an pundo hini in tikang ha buhatan nira Tingog Partylist Congressman Yedda Marie K. Romualdez ngan Leyte 1St District Congressman Ferdinand Martin Romualdez.

Kahuman han Training hira in mabalik na haira mga kumunidad ha Norte Tacloban para gamiton na an kinaadman ha pag-uma, siring ni Castellejos.

Hi Mrs. Ruth Ramirez, Coordinator han City Government ha Norte Tacloban, nagsumat nga ha liderato ni Mayor Alfred S. Romualdez an PITAHAYA FARM in osa han mga kasugbong han City Government ha pagduso han Modern Farming ha Norte Tacloban komo osa han mga livelihood programs.

M. Padernos/CIO