#DSWDMayMalasakit #DSWDParaSaNakakarami

#DSWDMayMalasakit #DSWDParaSaNakakarami

No Comments on #DSWDMayMalasakit #DSWDParaSaNakakarami

Gin-rescue dayun han DSWD Field Office VIII, kaupod an Tacloban City government, an pamilya ni Rodger Padagdag han Brgy. 83-C, Taguictik han siyudad. Gin-interbyu anay an anak nga hi Ronel Padagdag, 11 anyos, nga nabilin ha ira panimalay, para mapanginano kun ano an mga panginahanglan. Sumala han mga kauropdan ngan amyaw, ginkuha han ambulance han Tacloban Rescue Unit ngan tauhan ni Congresswoman Yedda Romualdez han mga pasado alas dose kanina han udto, ngan gindara hi Rodger ngan an duha nga mga babayehay ngadto ha EVRMC kun di-in hira gin-admit. Dugang pa nira, may sakit hi Rodger ha baga ngan maluya pa, tikang pa hadto han mga Enero. Panday hiya ngan waray na magtratrabaho tikang hadto. An mga batan-on nga mga anak in myda na gihap mga sakit. Nagdara an DSWD, pina-agi ni social worker Leah Macayan Abarquez, hin tulo ka pakete hin pagkaon, nga ma-ilob hin dose ka adlaw, para ha pamilya nga 6 ka-miyembro (an kada pakete). Mayda gihap pira kapiraso nga panapton. Hi Abarquez an naghangyo han ka-uropdan pagbantay kan Rodger ha hospital ngan an DSWD mahatag hin paglaon ngan pamasahe hin pan-adlaw, upod pa hin duha pa ka family food packs. Ipapa-nginano liwat han City Social Welfare and Development Office an mga birth certificates han mga kabataan para liwat ine hira maka-atendir han Day Care. Siring pa ni Director Restituto Macuto, ” Lahat ng aspeto ng buhay ng pamilya ay titingnan, sama-sama ng iba pang ahensiya ng gobyerno.” Bibisitahon buwas han DSWD ngan taga syudad an mga pasyente ha EVRMC, ngan kokonsultahon hi Rodger bahin han iya plano para han duha nga kabataan. #DSWDMayMalasakit #DSWDParaSaNakakarami

Leave a comment

Looking for something?

Follow Us

Newsletter

Get e-mail updates. Subscribe now!

Back to Top